Kietie Kietie i e bolo di chukulati by Janoviere Leonora

Release Date: 28 October 2025

Language: Papiamentu & Dutch

Ilustrashon di Athina Lopez

Un mucha chikitu, un bolo grandi di chukulati... i un lès ku nunka e lo lubidá.

Kietie Kietie i e bolo di chukulati ta un kuenta yen di amor, ku situashonnan familiar, momentunan chikí di travesura i lèsnan di bida – perfèkto pa mucha i famia. E buki ta basá riba berdadero aventuranan di e yu muhé mas chikitu di Janovière, loke ta hasi e buki aún mas spesial. Den e buki aki, Kietie Kietie ta siña pa semper papia e bèrdat, pa tene kuenta ku otronan, kompartí, obedensia i tambe ku tur hende por hasi un fayo chikitu... pero ku di fayo bo ta siña i krese!

E kuenta aki ta skibí na Papiamentu i Hulandes. E ta perfekto pa famianan ku ke disfrutá di lesamentu den dos idioma! E eskritora ta un mama ku ta saka inspirashon for di e aventura nan di su yu muhé. Su kuenta nan ta yen di momentunan real, lèsnan importante i amor familiar. Ku e buki aki no ta skibi solamente pa dibertishon, pero tambe pa yuda den kresementu i desaroyo linguístiko di mucha chikitu. Un kuenta kálido ku hopi humor, amor i un gran kuchara di chukulati spesialmente pa e soñadó chikitunan ku un kurason grandi.